Austurlamb

Þá er komið að því að þróa vöruval haustsins. Í þetta sinn leitum við sérstaklega til viðskiptavina og heimasíðugesta.

Fjölmargar ágætar ábendingar hafa nú þegar borist frá viðskiptavinum okkar.

Nú er komið að þér, ágæti heimasíðugestur, að leiða okkur í allan sannleika um þínar óskir með því að taka þátt í skoðanakönnun okkar og merkja við nokkra einfalda valkosti.

Könnunin tekur örugglega innan við mínútu, en er ákaflega mikilvæg fyrir okkur svo að við getum vitað sem best vilja væntanlegra viðskiptavina.

Væntum góðrar þátttöku og farsælla samskipta í framtíðinni.

Austurlamb.

Þátttaka í skoðanakönnun Austurlambs er orðin þokkaleg. Má strax sjá ákveðnar vísbendingar um vilja heimasíðugesta, sem eru um 60% af höfuðborgarsvæðinu, 20% af Austurlandi og 20% úr öðrum landshlutum.

Vöruþróun:

Langmestur áhugi er fyrir snyrtum skrokkum, teknum í sundur að óskum kaupenda. Þá er nokkur áhugi fyrir hangikjöti og nautakjöti.

Þjónusta:

Heimasíðu þarf að laga og gera meira lifandi. Lögð er áhersla á upplýsingar um framleiðslu og uppruna. Til bóta væri að bjóða heimsendingaþjónustu og mælt er með sölu í sérvöruverslunum á höfuðborgarsvæði.

Annað:

Fólk er sammála um ágæti þess að frysta kjötið ekki fyrr en þrem sólarhringum eftir aflífun og að halda þekkingu á upprunanum vel til haga.

Aldursdreifing svarenda er nokkuð jöfn, þó er hópurinn 51-60 ára stærstur.

Austurlamb hvetur heimasíðugesti að taka þátt í könnuninni. Hún verður uppi næstu vikur og verður tekið mið af niðurstöðum hennar við endurskipulagningu starfseminnar, eftir því sem kostur er.