Austurlamb

Desember er hafinn.

Fólk fer að skipuleggja jólahátíðina og sér í lagi jólamáltíðirnar.

Þeir sem hafa hrygg eða læri frá Austurlambi verða aldrei fyrir vonbrigðum.

Auk gæðanna er uppruni fæðunnar á hreinu og því hægt að upplifa hana sem hluta af íslenskri náttúru frá tilteknum sveitabæ eða svæði.

Lesið það sem kokkurinn segir hér á heimasíðunni. Sé farið eftir þeim hollráðum,á matseldin ekki að klikka.

Við hjá Austurlambi erum strax byrjuð að hlakka til jólanna.

Fyrst þetta:
Lokavinningur á spilakvöldum Kvenfélags Hróarstungu verður væn vöruúttekt af Austurlambi frá Tungubóndanum Gesti Hallgrímssyni á Blöndubakka. Einnig úttekt frá Kjötvinnslunni Snæfelli Egilsstöðum.

Almennt:
Umferð á síðunni hefur verið talsverð og fjölmargir hafa sett "like" á Austurlamb eftir að fyrirtækið eignaðist facebókarsíðu.

Ef þú ert að leita að einhverju sérstöku, ertu á réttum stað. Við höfum

• gæðin,
• upprunatenginguna og
• valmöguleikana.

Einmitt það sem margir eru að leita að.

Og aldrei verður of oft minnt á að þegar Austurlamb hefur verið hráefni í kokkakeppni, hefur viðkomandi kokkur alltaf hlotið fyrstu verðlaun.

Segir það ekki dálítið?

Um síðustu helgi var lokið við að afgreiða forsölupantanir frá Klausturseli og þar með hafa allir Austurlambsbændur afgreitt sína viðskiptavini. Nokkrar pantanir hafa þó borist á síðustu dögum og verða þær afgreiddar eins fljótt og við verður komið.

Fyrirliggjandi eru birgðir af Austurlambi á eftirtöldum bæjum:

Blöndubakka, Brekkubæ, Krossi, Klausturseli, Unaósi og Útstekk. Smávegis af lærum má finna í Dölum en bóndinn á Gilsá hefur lokið sölu í ár. Haustönnum bænda fer senn að ljúka og ættu viðskipti að ganga greitt fyrir sig næstu vikurnar.